Këshillat islame thonë se agjëruesit mes tjerash nuk guxonë të ndiejnë as epsh, apo edhe të eksitohen.

Por a lejohen përqafimet gjatë agjërimit ka treguar mes tjerash vet Imami i Xhamisë së Madhe në Ferizaj Mustafë Ahmeti.

“Lejohet që agjëruesi ta puthë gruan e tij dhe të luajë me të, edhe pse është agjërueshëm, nëse është i moshuar, kurse për të riun një gjë e tillë nuk është e preferuar”, ka bërë të ditur Ahmeti për Ballkani.info.

Ai tregon edhe arsyet pse nuk preferohet që një i ri të përqafohet nëse është agjërueshëm.

“Argument për këtë është rasti kur Pejgamberi sal-lAllahu alejhi ve sel-lem ia kishte lejuar këtë një plaku, por nuk ia kishte lejuar një të riu”, shtoi Hoxha.

Po ashtu sipas Imamit Mustafë Ahmeti bashkëshortja e Muhamedit a.s Aishja r.a. thotë: “Profeti (alejhi selam)ka puthur gjatë agjërimit dhe ka qëndruar në intimitet, por ishte më i vetëpërmbajturi ndaj epshit të tij krahasuar me ju”.