Tahiri ka deklaruar se rrëzimi i qeverisë është temë që iu takon partnerëve të koalicionit.

Ministri Tahiri është shprehur optimist edhe se Lista Serbe do të rikthehet në qeveri;.

“Thaçi nuk mund ta çojë vendin në zgjedhje. Kjo iu takon partnerëve të koalicionit. Koalicioni i kaluar i ka pasur 87 deputetë edhe s’ka mundur ta shtyejë përpara agjendën”, theksoi Tahiri në TV Dukagjini.

Ai tutje tha se ministrat e Listës Serbe dalin çdo ditë në zyrë dhe po vazhdojnë të marrin paga.

“Lista Serbe do të jetë pjesë e institucioneve. Ata dalin në zyrë dhe marrin paga. Thjeshtë nuk po marrin pjesë në mbledhjet e qeverisë”, deklaroi ministri i Drejtësisë.

Tahiri kritikoi edhe punën e Kuvendit për mungesën e ligjeve të miratuara.

Ai tha se temat si Kodi Penal janë të domosdoshme të përfundojnë sa më shpejt në Kuvendin e Kosovës. /Lajmi.net/

Lexo edhe:

Tahiri flet për misionin e EULEX-it në Kosovë