Qendërmbrojtës i Manchester Unitedit, Rio Ferdinand do të donte të qëndrojë në Old Trafford, por e pranon se e ardhmja nuk është në duart e tij.

Veteranit të mbrojtjes po i përfundon kontrata aktuale në verë, ndërsa këtë sezon i ka zhvilluar vetëm nëntë ndeshje nga fillimi në Premierligë.

Forma dhe gjendja fizike bënë që ky sezon të jetë për t’u harruar nga Ferdunand, ndërsa përkundër moshës 35 vjeçare, nuk e ka ndërmend të pensionohet.

“Dua të vazhdoj të luaj, ky është objektivi. Qoftë kjo në Manchester United apo diku tjetër, kjo i takon klubit”, deklaroi ish përfaqësuesi anglez për BT Sport.

Ferdinand i ishte bashkuar kampionit aktual anglez në vitin 2002 nga Leeds united, ndërsa i ka fituar gjashtë tituj të kampionit në Premierligë, 2 Kupa të Ligës dhe Ligën e Kampionëve.