Diego Costa e ka pësuar një lëndim të rrezikshëm, në fitoren e Atletico Madridit ndaj Getafes me rezultat 2:0, të dielën mbrëma.

Sulmuesi brazilian me pasaportë spanjolle e mori një asistim nga Adrian dhe duke e futur topin në rrjetë, u përplas për shtyllë, me ç’rast e lëndoi këmbën e majtë dhe me këtë rast nuk i mungoi as gjaku, afër gjurit.

Më pas, sulmuesi kryesor i Atleticos u zëvendësua dhe e mori ndihmën e nevojshme nga stafi mjekësor.

Sulmuesi më pas u dërgua me auto ambulancë me shpejtësi në spital. Për momentin thuhet se lëndimi i Costas është mjaft i rëndë.