Përplasja mes protestuesve dhe policëve para Rektoratit ka shkaktuar lëndime tek të dy palët.

Gazetari i lajmi.net raporton se ka disa protestues të lënduar por edhe policë.

Protestues e policë të lënduar nga përplasja para Rektoratit

_ _ _ _

Studentët rikthehen prapë oborrin e UP’së, duke thyer kështu kordonin e policisë.

Raportohet për protestues të lënduar nga ndërhyrja e policisë. 

_ _ _ _

Eskalon situata para Rektoratit të Universitetit të Prishtinës. Arrijnë forca shtesë të policisë së Kosovës, të cilat fillojnë shpërndarjen largimin e protestuesve nga oborri i Rektoratit duke përdorur edhe spray.

Aktualisht para Rektoratit po mbretëron një situatë shumë e tensionuar, në prag të përshkallzimit.

_ _ _ _

Tensionohet situata para Rektoratit të Universitetit të Prishtinës, ku studentë, profesorë dhe pjesëtarë të shoqërisë civile po protestojnë për largimin e Rektorit dhe Këshillit Drejtues.

Aktualisht para Rektoratit ka forca shtesë të Policisë, ku po ashtu ka zbarkuar edhe Njësia Speciale.

Në të njëjtën kohë Kuvendi i Kosovës po debaton për situatën e rëndë të krijuar në Universitetin e Prishtinës. 

Opozita njëzëri ka kërkuar largimin e Rektorit dhe Këshillit Drejtues.

Protestat për largimin e Rektorit kanë nisur pas skandalit që plasi me botimin e punimeve të tij dhe të disa profesorë tjerë të UP’së në revista të rrema shkencore.