Pierre Emerick Aubameyang e këndelli Borussia Dortmundit pas serisë së rezultateve negative në Bundesligë. Ai shënoi dy herë në fitoren e nënkampionit të Gjermanisë në udhëtim te Braunschweig me rezultat 2:1.

Aubameyang e kaloi Dortmundin në epërsi pas gjysmë ore lojë. Mirëpo, vendasit barazuan shifrat pas intervalit falë golit nga Benjamin Kessel në minutën e 54’të.

Mirëpo, Aubayemang shënoi sërish dhjetë minuta më vonë duke rikthyer avantazhin e mysafirëve dhe pikët e plota për skuadrën e trajnerit Jurgen Klopp.

Dortmund mbetet në pozitën e tretë me një pikë më pak se Bayer Leverkusen që është i dyti, dhe takohet të shtunën me Stuttgartin.