Lideri i PDK’së, Hashim Thaçi, pasi ka vizituar vizituar disa nga bizneset në Lagjen Dardania të Gjilanit, ka thënë se mbështetja për Qemajl Mustafën është e madhe.

Ai e ka quajtur këtë – mbështetje e fitores së PDK’së edhe për mandatin e tretë katërvjeçar.

Thaçi ka falënderuar qytetarët e Komunës së Gjilanit dhe posaçërisht ata të Lagjes Dardania për “disponimin shumë të mirë dhe në favor për Kryetarin Mustafa”.

Siç raporton Rajonipress, Hashim Thaçi ka shprehur bindjen se fitorja e Qemajl Mustafës është e sigurt.

“Kryetarit Mustafa po i japin mbështetje të gjithë bazuar në punën e mirë të bërë për Gjilanin gjatë qeverisjes së tij”, ka thënë Thaçi.

Ndërsa kryetari Qemajl Mustafa ka thënë se kjo mbështetje e Kryeministrit Thaçi dhe e qytetarëve të Gjilanit është mbështetje e së mirës dhe ndihmë e vazhdueshme edhe për mandatin e ardhshëm katërvjeçar.

“Do të ndodhin investime të mëdha për Gjilanin. Andaj kërkoj mbështetjen e qytetarëve gjilanas që të votojnë për PDK’në, sepse është partia më e sinqertë me ta në qeverisjen katërvjeçare”, thuhet në njoftimin e Degës së PDK’së në Gjilan.