Sportistët që përfaqësuan Kosovën në Lojërat Mesdhetare Taranto 2026 janë nderuar me mirënjohje dhe shpërblime për rezultatet e arritura në këtë ngjarje të rëndësishme sportive.

Ministri i Sportit dhe Rinisë, Blerim Gashani, priti sportistët kosovarë pas kthimit të tyre në vend dhe i vlerësoi për paraqitjet e tyre, të cilat i sollën Kosovës gjithsej pesë medalje.

Laura Fazliu siguroi medaljen e argjendtë, ndërsa Akil Gjakova, Flaka Loxha, Fatjona Kasapi dhe Shpati Zekaj fituan nga një medalje të bronztë.

Me këto rezultate, përfaqësuesit e Kosovës u rikthyen nga Taranto 2026 me një medalje të argjendtë dhe katër të bronzta, duke shënuar rezultate të rëndësishme për vendin në këtë garë ndërkombëtare.

Për suksesin e tyre, Ministri Blerim Gashani u ndau sportistëve mirënjohje dhe shpërblime, ndërsa u vlerësua edhe puna e trajnerëve, stafit dhe të gjithë ekipit që kontribuoi në përgatitjen dhe paraqitjen e delegacionit të Kosovës.

Këto rezultate i shtohen listës së paraqitjeve të suksesshme të sportistëve kosovarë në arenën ndërkombëtare, me Kosovën që nga Taranto 2026 u kthye me pesë medalje.