Ambasada e Shteteve të Bashkuara në Kosovë ka lëshuar një njoftim për qytetarët amerikanë lidhur me protestat e paralajmëruara për sot, 18 shtator, në Sheshin “Skënderbeu” në Prishtinë.

Sipas ambasadës, disa organizata kanë paralajmëruar protesta të mëdha që pritet të nisin në orën 12:00, të cilat mund të shkaktojnë grumbullime të mëdha të njerëzve, mbyllje të rrugëve dhe pengesa të mëdha në qarkullim, transmeton lajmi.net.

Ambasada u ka bërë thirrje qytetarëve amerikanë që të shmangin Sheshin “Skënderbeu” dhe zonat përreth gjatë kohës së protestave.

Po ashtu, qytetarëve u është rekomanduar të tregojnë kujdes nëse ndodhen pranë tubimeve të mëdha, të jenë të vëmendshëm ndaj situatës dhe të përcjellin mediat lokale për njoftimet e fundit.

Postimi i plotë: 

Njoftim për protesta – Ambasada e SHBA-së në Prishtinë, Kosovë (18 shtator 2026)

Lokacioni: Qendra e Prishtinës – Sheshi “Skënderbeu”

Ngjarja: Disa organizata të mëdha kanë paralajmëruar protesta të mëdha për të premten, më 18 shtator, në orën 12:00, në Sheshin “Skënderbeu”.

Këto protesta mund të shkaktojnë grumbullime të mëdha të njerëzve, mbyllje të rrugëve dhe pengesa të mëdha në qarkullim në zonat përreth.

Për shkak të mundësisë për tubime të mëdha dhe pengesa në trafik, qytetarëve u rekomandohet të shmangin Sheshin “Skënderbeu” dhe zonat përreth gjatë kësaj kohe.

Masat që rekomandohen:

• Shmangni zonat ku zhvillohen protestat.

• Tregoni kujdes nëse ndodheni papritur pranë grumbullimeve të mëdha ose protestave.

• Jini të vëmendshëm ndaj rrethinës dhe përcillni mediat lokale për njoftimet dhe përditësimet e fundit./lajmi.net/