KF Llapi ka zyrtarizuar transferimin e mesfushorit 20-vjeçar Eron Dili, i cili pas disa viteve në futbollin belg do të vazhdojë karrierën në Kosovë.

Dili është zhvilluar në Belgjikë, ku ka qenë pjesë e kategorive të reja të Berchem Brussels FC, ndërsa më pas ka luajtur edhe në futbollin senior në Divizionin e Tretë, raporton lajmi.net

Mesfushori i ri vlerësohet për teknikën dhe vizionin në lojë. Ai kishte tërhequr vëmendje edhe në moshë të re, pasi në moshën 13-vjeçare ishte ftuar për një test tre-ditor në akademinë e Real Madridit.

Me këtë afrim, Llapi synon të shtojë alternativat dhe cilësinë në repartin e mesfushës.

Klubi nga Podujeva ka falënderuar menaxherin e lojtarit, Hamdi Dili, për bashkëpunimin dhe korrektësinë gjatë realizimit të transferimit./Lajmi.net/