Deputeti i LDK-së, Arben Gashi, ka reaguar pas ndërprerjes së seancës për konstituimin e Kuvendit të Kosovës.

Gashi ka thënë se po afrohet momenti kur, sipas tij, do të kërkohet përgjegjësi për situatën e krijuar institucionale.

“Dita e përgjegjësisë po vjen. LVV dhe Kurti s’mund ta mbajnë peng Kosovën”, ka shkruar Gashi.

Ai ka kritikuar gjithashtu partinë që ka dalë e para në zgjedhje, duke thënë se bllokimi i institucioneve nuk ka kuptim politik dhe as logjikë shtetërore.

“Një parti që i fiton zgjedhjet dhe që e bllokon vendin, s’ka as kuptim politik e as logjikë shtetërore”, ka deklaruar Gashi. /Lajmi.net/