Presidenti i Iranit, Masoud Pezeshkian, ka deklaruar të martën se Teherani do të ndërmarrë hapa reciprokë nëse Shtetet e Bashkuara rikthehen në kushtet e marrëveshjes së përkohshme të armëpushimit, e cila u shemb në qershor.

Duke folur në margjinat e samitit të Organizatës së Bashkëpunimit të Shangait (SCO) në Bishkek të Kirgistanit, Pezeshkian tha se Irani është i gatshëm të rikthehet në marrëveshje nëse SHBA-ja përmbush zotimet e saj.

“Dua ta them qartë se nëse Shtetet e Bashkuara rikthehen në zotimet e tyre, Republika Islamike e Iranit do të ndërmarrë menjëherë veprime reciproke”, tha ai.

Pezeshkian e akuzoi SHBA-në se ka shkelur zotimet e saj, ndërsa të dyja palët më herët e kanë fajësuar njëra-tjetrën për prishjen e marrëveshjes.

Ndërkohë, tensionet mes dy vendeve janë përshkallëzuar sërish. SHBA-ja tha se të dielën kishte goditur forcat iraniane që po vendosnin mina në ishullin Larak, në ngushticën e Hormuzit. Irani më pas sulmoi forcat amerikane në Lindjen e Mesme.

Presidenti amerikan Donald Trump deklaroi të hënën se SHBA-ja do të përgjigjet ndaj sulmeve iraniane, por shtoi se goditjet e fundit nuk nënkuptojnë rikthim në një luftë të plotë, shkruan DW.