Ministria e Mbrojtjes ka shpallur konkurs për rekrutimin e personelit profesional, teknik dhe mbështetës, i cili do të angazhohet në Kompleksin për Prodhimin e Municioneve në Jahoc të Gjakovës.

Sipas njoftimit, konkursi përfshin pozita në fusha të ndryshme, përfshirë inxhinierinë, teknikën, prodhimin, mirëmbajtjen, kontrollin e cilësisë, sigurinë dhe logjistikën, si dhe fusha të tjera të nevojshme për funksionimin e kompleksit, transmeton lajmi.net.

Ministria ka bërë të ditur se përzgjedhja e kandidatëve do të bëhet në përputhje me legjislacionin në fuqi dhe mbi bazën e parimeve të transparencës, meritokracisë dhe profesionalizmit.

Kandidatët e përzgjedhur, para angazhimit në detyrë, do t’i nënshtrohen trajnimeve të nevojshme profesionale.

Sipas Ministrisë së Mbrojtjes, hapja e konkursit paraqet një hap të rëndësishëm drejt funksionalizimit të Fabrikës së Municioneve dhe zhvillimit të kapaciteteve vendore në industrinë e mbrojtjes.

Afati për aplikim është nga 24 deri më 30 gusht 2026, ndërsa të interesuarit mund të aplikojnë përmes platformës së konkurseve të institucioneve publike të Kosovës.

Njoftimi i plotë: 

Ju njoftojmë se Ministria e Mbrojtjes ka shpallur konkursin për rekrutimin e personelit profesional, teknik dhe mbështetës që do të angazhohet në Kompleksin për Prodhimin e Municioneve në Jahoc të Gjakovës.

Ky konkurs përfshin fusha të ndryshme, si: inxhinieri, teknikë, prodhim, mirëmbajtje, kontroll i cilësisë, siguri, logjistikë, si dhe fusha të tjera të nevojshme për funksionimin e kompleksit.

Përzgjedhja e aplikantëve do të bëhet në përputhje me legjislacionin në fuqi dhe parimet e transparencës, meritokracisë dhe profesionalizmit.

Aplikantët e përzgjedhur, para se të angazhohen në detyrë, do të ndjekin trajnimet e nevojshme profesionale. Hapja e këtij konkursi shënon një hap të rëndësishëm drejt funksionalizimit të Fabrikës së Municioneve dhe zhvillimit të kapaciteteve vendore për industrinë e mbrojtjes.

Ftohen të gjithë të interesuarit që plotësojnë kriteret për të aplikuar dhe për t’u bërë pjesë e këtij procesi të rëndësishëm.

Afati për aplikim është nga data 24–30 gusht 2026.

Aplikimi realizohet duke klikuar në linkun: https://konkursi.rks-gov.net/jobs?servant=4&institution=28091/lajmi.net/