Një person është plagosur me armë zjarri sot rreth orës 14:15 në fshatin Vitomiricë të Pejës.

Rastin për lajmi.net e ka konfirmuar zëdhënësi i Policisë për Rajonin e Pejës, Driton Rugova.

Sipas Policisë, i plagosuri fillimisht është dërguar për trajtim në Spitalin Rajonal të Pejës, ndërsa më pas, për shkak të gjendjes shëndetësore, është transferuar në QKUK në Prishtinë.

I plagosuri ka deklaruar para hetuesve se ishte vetplagosur aksidentalisht, në momentin kur po e pastronte një armë të gjatë.

Rasti po vazhdon të hetohet nga hetuesit e Sektorit Rajonal për Hetime. /Lajmi.net/