Ministria e Ekonomisë ka shpallur rezultatin e një procedure të prokurimit publik për furnizim me pajisje kompjuterike për stafin e ministrisë, ku kontrata i është dhënë kompanisë “ILIR KOSOVA SH.P.K.”.

Sipas njoftimit për vendimin e autoritetit kontraktues, në garë kanë marrë pjesë gjithsej tre operatorë ekonomikë. Oferta e kompanisë “ILIR KOSOVA” është vlerësuar si më e favorshmja, me një vlerë totale prej 22 mijë e 570  euro, me TVSH.

Në garë ishin edhe:

• “ARITECH”, me ofertë prej 22,930.00 euro;
• Grupi i operatorëve ekonomikë “STORM ICT L.L.C.; Safebit L.L.C.”, me ofertë prej 27,697.70 euro.

Të tre ofertat, sipas dokumentit të publikuar, figurojnë pa gabime në llogaritje.

Ministria e Ekonomisë ka bërë të ditur se kontrata do t’i besohet operatorit ekonomik me çmimin total më të ulët, në këtë rast “ILIR KOSOVA SH.P.K.”.

Procedura ka të bëjë me furnizimin e Ministrisë së Ekonomisë me pajisje kompjuterike, ndërsa vendimi është nxjerrë më 31 korrik 2026.

Në bazë të ofertave të paraqitura, diferenca mes ofertës fituese dhe ofertës së dytë është 359.32 euro, ndërsa krahasuar me ofertën e tretë, Ministria do të kontraktojë me një çmim rreth 5,127 euro më të ulët. /Lajmi.net/