Anëtarja e PSD-së, Natyra Kuçi, ka kritikuar partitë opozitare për mënyrën se si po e zhvillojnë kundërshtimin ndaj kryeministrit në detyrë, Albin Kurti.

Kuçi në Jehona Politike në Klan Kosova tha se aksionet politike, përfshirë protestat dhe hedhjen e vezëve, nuk kanë vlerë nëse nuk shoqërohen me një kauzë dhe ide të qartë politike.

Ne mundemi me gjuajt me ve për çdo ditë. Nëse ajo ve ato ve ajo aksion politik nuk ka kurrgjë në atë çka ti e ke proklamuar krejt këto vjet, nëse nuk ka kurrgjë brenda idesë tonë politika, ai aksion politik ka me mbet si kurrgjë hiç. Prandaj PSD-ja, as nuk hesht as nuk ka me u ndalë. Unë besoj që përderisa s’ka opozitë, vendi ka me u bashku rreth një opozite që qëllim e ka demokracinë. Këta nuk e kanë qëllim demokracinë sepse kudo në botë, në secilin libër që u shkrua, kudo që bota ka njohur rastet të një pushtetit autoritar, e ka parë që me autoritar asnjëherë nuk ka koalicion. E këta po mendojnë që Kurti është i keq veç kur nuk e ndan pushtetin me ta, jo përse po rrezikohet demokracia”, deklaroi Kuçi.

Ajo kritikoi PDK-në, LDK-në dhe AAK-në, duke thënë se ato, sipas saj, e kundërshtojnë Kurtin kryesisht kur ai nuk pranon ta ndajë pushtetin me to.