Prokuroria Speciale e Republikës së Kosovës ka ngritur një aktakuzë ndaj të pandehurit K.Xh., lidhur me veprën penale “Kanosja”.

Sipas aktakuzës, i pandehuri K.Xh., më 22 tetor 2025 me dashje dhe me qëllim të frikësimit të personit zyrtar, lidhur me punën dhe pozitën e tij zyrtare si Kryeministër i Qeverisë së Republikës së Kosovës, publikisht e ka kanosur të dëmtuarin A.K.

“Gjithashtu, sipas aktakuzës, K.Xh. e ka kanosur të dëmtuarin përmes rrjetit social Facebook, duke i thënë se do ta privojë nga jeta.Me këtë veprim i pandehuri akuzohet se ka kryer veprën penale “Kanosja”. Rasti i ka kaluar për shqyrtim Gjykatës Themelore në Prishtinë, Departamenti Special”, ka njoftuar Prokuroria Speciale. /Lajmi.net/

Postimi i plotë: