Një aksident trafiku ka ndodhur mbrëmë në Malishevë.

I dyshuari i cili është arrestuar, dyshohet se me shpejtësi të madhe ka goditur katër vetura dhe më pas zyrtarin policor, i cili po rregullonte komunikacionin.

Lëndime të rënda trupore ka pësuar zyrtari policor, ndërsa pesë meshkuj kosovar kanë pranuar tretman mjekësor.

I dyshuari është dërguar në mbajtje.

“Rr. Ibrahim Mazreku, Malishevë / 16.08.2026 – 20:20. Është arrestuar vozitësi mashkull kosovar, pasi që me veturë nga shpejtësia e madhe ka goditur katër vetura dhe më pas zyrtarin policor, i cili ishte duke rregulluar komunikacionin. Si pasojë, lëndime të rënda trupore ka pësuar zyrtari policor, ndërsa pesë meshkuj kosovarë  kanë pranuar tretman mjekësor. Me vendim të prokurorit i dyshuari është dërguar në mbajtje”, ka njoftuar Policia në raport 24 orësh. /Lajmi.net/