Modelja Destiny Viva iu përgjigj një komenti në të cilin dikush i tha të “rregullonte dhëmbët”.

Ajo u përgjigj me një video në TikTok në të cilën e ktheu kritikën për dhëmbët e saj të zbrazët në një mundësi për të treguar fushatat e shumta të suksesshme të modës në të cilat është përfshirë, transmeton Indeksonline.

Videoja fillon me një pamje nga afër të buzëqeshjes së Vivit, me mbishkrimin “Pamje nga këndvështrimi: Hakmarrja më e mirë është suksesi juaj”.

Më pas vijon me një seri fotosh profesionale të saj nga billboard-et dhe posterat e metrosë, si dhe reklama veshjesh dhe produktesh për flokët. Gjithashtu shfaqi një reklamë për një aplikacion në një kamion, një reklamë për bizhuteritë Pandora dhe shumë fushata të tjera mode.

Në përshkrimin e videos, Viva shpjegoi se ia dedikon mesazhin e saj të gjithë atyre që kanë përqafuar atë që e bën të ndryshëm nga të tjerët. “Ia dedikoj këtë të gjithë njerëzve të përsosur dhe të papërsosur”, shkroi ajo. Ajo ua dedikoi mesazhin atyre që “nuk janë dorëzuar dhe nuk do t’u dorëzohen standardeve të imponuara të bukurisë”, por edhe të gjithë atyre që tashmë e duan atë që i bën të veçantë.

“Për ata që tashmë i pranojnë veçoritë e tyre, qoftë një buzëqeshje e shtrembër por simpatike, flokë që është e pamundur t’i zbutësh sado që përpiqen, apo një hundë, foton e së cilës nuk do t’ia tregonin kurrë një kirurgu në Turqi si shembull se si duan të duken”, shkroi ajo.

Postimi i saj ka marrë shumë reagime pozitive. “Njerëzit kanë shumë frikë të duken ndryshe”, shkroi një përdorues, të cilit Viva iu përgjigj: “Pajtohem! Njerëzit kanë shumë frikë se mos nuk përshtaten. Është e kuptueshme, por është një mënyrë shumë e trishtueshme për të jetuar!”

Të tjerë e quajtën përgjigjen e saj “legjendare”. Një ndjekës i tha se i pëlqente që pavarësisht kritikave, ajo thjesht vazhdoi. “Gjithmonë! Ky është çelësi i një jete të mirë – thjesht vazhdo!” u përgjigj Viva. Një përdorues tjetër përfundoi: “Kjo është ajo që quhet përgjigja përfundimtare ndaj urrejtjes.”