Një rast i dyshuar i falsifikimit të dokumentit është evidentuar në pikën kufitare Jarinjë.

Sipas Policisë së Kosovës, më 2 gusht, një shtetas kosovar kishte hyrë në Kosovë me një kombi-bus me targa të Serbisë.

Për shkak të mungesës së dokumentacionit përkatës, atij i ishte konfiskuar përkohësisht patentë-shoferi i Republikës së Kosovës, deri në sigurimin e një vozitësi që do ta drejtonte automjetin.

Gjatë verifikimit të dokumentit, Policia ka ngritur dyshime se patentë-shoferi ishte i falsifikuar.

“Patentë-shoferi i konfiskuar gjatë verifikimit dyshohet të jetë i falsifikuar dhe me urdhër të prokurorit është iniciuar lënda e rastit”, thuhet në raportin 24-orësh të Policisë së Kosovës.

Rasti është iniciuar për veprën penale “Falsifikim i dokumentit”. /Lajmi.net/