Liverpooli ka arritur një marrëveshje në parim me Paris Saint-Germainin për transferimin e sulmuesit anësor Bradley Barcola.

Sipas raportimeve, 22-vjeçari francez është bërë objektivi kryesor i “Reds” në krahun e sulmit, pasi klubi anglez nuk arriti të transferojë Yan Diomanden dhe Michael Olisen.

Liverpooli raportohet se ka pasur kontakte pozitive me Barcolan, i cili ka shprehur dëshirën për t’u transferuar në Premier Ligë. Sulmuesi gjithashtu thuhet se nuk dëshiron të rinovojë kontratën me PSG-në përtej vitit 2028.

Sipas raportimeve, Barcola ka preferuar Liverpoolin para Arsenalit, ndërsa kushtet personale mes lojtarit dhe klubit anglez nuk pritet të paraqesin problem.

Pengesa kryesore në negociata ka qenë tarifa e transferimit, pasi PSG fillimisht kërkonte rreth 145 milionë funte, ndërsa Liverpooli synonte një marrëveshje më afër 100 milionë funteve.

Megjithatë, sipas raportimeve të fundit, të dy klubet kanë gjetur gjuhën e përbashkët për një marrëveshje prej rreth 128 milionë eurosh, që është afërsisht 110 milionë funte.

Raportohet gjithashtu se Barcola ka rënë dakord në aspektin personal për t’u bashkuar me Liverpoolin, megjithëse marrëveshja ende nuk është finalizuar zyrtarisht.