​Katër persona arrestohen pas një përleshjeje në Prishtinë

Katër persona janë arrestuar pas një rrahjeje në Prishtinë. Sipas raportit 24-orësh të Policisë së Kosovës, ngjarja ka ndodhur të hënën rreth orës 02:20. Policia njofton se katër të dyshuarit janë përleshur mes vete dhe të gjithëve u është ofruar trajtim mjekësor. Me vendim të prokurorit, të dyshuarit janë dërguar në mbajtje.