Sipas komunikatës së Prokurorit të Shtetit, në takim ishte i pranishëm edhe Këshilltari Politik i Ambasadës së Gjermanisë, Payam Ghalehdar.

Ambasadori Rudolph e uroi Gashin për marrjen e detyrës së re si Kryeprokuror i Shtetit, duke shprehur gatishmërinë e Gjermanisë për të mbështetur institucionin në fushat ku ka nevojë.

Gjatë takimit, bashkëbiseduesit diskutuan për forcimin e sundimit të ligjit në Republikën e Kosovës, me fokus të veçantë në luftimin e korrupsionit dhe krimit të organizuar, të cilat u cilësuan si elemente kyçe në procesin e integrimit evropian të vendit.

Po ashtu, temë e diskutimit ishte intensifikimi i bashkëpunimit ndërmjet Prokurorit të Shtetit dhe institucioneve ligjzbatuese gjermane, forcimi i pavarësisë institucionale, reformat e planifikuara në sistemin prokurorial, integrimi i komuniteteve joshumicë në sistemin e prokurorisë, si dhe mbështetja institucionale për investitorët e huaj në Kosovë.

Në fund të takimit, Kryeprokurori Gashi dhe ambasadori Rudolph theksuan rëndësinë e thellimit të bashkëpunimit institucional edhe në të ardhmen, me synim avancimin e sundimit të ligjit dhe forcimin e institucioneve të drejtësisë në Kosovë. /Lajmi.net/