Një person ka humbur jetën të shtunën në Fushë Kosovë, në një rast që Policia e Kosovës po e heton si “Hetim mbi vdekjen”.

Sipas raportit 24-orësh të Policisë, viktima është dërguar në Qendrën Klinike Universitare të Kosovës (QKUK), pasi dyshohet se gjatë ngrënies së ushqimit i kishte ngecur një copë në fyt, duke i shkaktuar vështirësi në frymëmarrje, shkruan lajmi.net.

“Raportohet se viktima është dërguar në QKUK, pasi dyshohet se gjatë ngrënies së ushqimit i kishte ngecur një copë në fyt, duke i shkaktuar vështirësi në frymëmarrje”, thuhet në raportin e Policisë.

Pavarësisht përpjekjeve të stafit mjekësor, viktima nuk ka arritur t’u mbijetojë komplikimeve.

“Mjeku kujdestar ka konstatuar vdekjen e viktimës”, njofton Policia.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti vazhdon të hetohet. /Lajmi.net/