Kryeprokurori i Shtetit, Zejnulla Gashi, ka pritur sot në takim drejtorin e Agjencisë së Kosovës për Inteligjencë (AKI), Petrit Ajeti.

Me këtë rast, drejtori i AKI-së, Ajeti, thuhet se e uroi Kryeprokurorin e Shtetit, Gashi, për marrjen e detyrës, duke i dëshiruar suksese në ushtrimin e mandatit të tij.

“Gjatë takimit, të dy udhëheqësit e institucioneve konfirmuan përkushtimin e tyre për thellimin e bashkëpunimit profesional dhe institucional, në përputhje me kompetencat ligjore në funksion të forcimit të sundimit të ligjit.”