Ambasadori i Zvicrës në Kosovë, Jürg Sprecher, ka ndarë mesazhin e tij të lamtumirës me rastin e përfundimit të misionit diplomatik në Kosovë.

Përmes një mesazhi drejtuar qytetarëve dhe partnerëve institucionalë të Kosovës, Sprecher ka shprehur mirënjohjen e tij për bashkëpunimin dhe përvojën e krijuar gjatë mandatit të tij në vend.

Ai ka vlerësuar marrëdhëniet e afërta mes Zvicrës dhe Kosovës, duke theksuar rëndësinë e bashkëpunimit dhe lidhjeve të forta ndërmjet dy vendeve.

Gjatë shërbimit të tij diplomatik, ambasadori Sprecher ka kontribuar në avancimin e bashkëpunimit dypalësh në fusha të ndryshme, si dhe në forcimin e raporteve mes institucioneve dhe qytetarëve të dy vendeve.

Në mesazhin e lamtumirës, ai ka falënderuar Kosovën dhe qytetarët e saj për mikpritjen dhe bashkëpunimin gjatë gjithë periudhës së mandatit të tij. /Lajmi.net/