Një person ka humbur jetën të mërkurën në Podujevë, pasi ka rënë nga një lartësi në rrugën “Ilir Konushevci”.

Rastin për lajmi.net e ka konfirmuar zëdhënësi i Policisë së Kosovës për rajonin e Prishtinës, Enis Pllana, i cili ka bërë të ditur se viktima nuk ka arritur t’u mbijetojë plagëve të marra, raporton lajmi.net

“Sot rreth orës 14:00, kemi pranuar informatën se në rrugën Ilir Konushevci në Podujevë, një person ka rënë nga një lartësi (objekt). Viktima nuk ka arritur të përballojë plagët dhe ka ndërruar jetë. Vdekjen e viktimës e ka konstatuar ekipi mjekësor në vendin e ngjarjes. Policia në koordinim me Prokurorin e Shtetit, janë duke zhvilluar hetimet lidhur me sqarimin e rrethanave të rastit”, ka deklaruar Pllana.

Sipas Policisë, ekipet përkatëse janë duke punuar për të zbardhur rrethanat e plota të ngjarjes./Lajmi.net/