Një person ka mbetur i plagosur mbrëmjen e së martës në fshatin Miradi e Epërme, në Fushë Kosovë.

Rastin e ka konfirmuar për Lajmi.net zëdhënësi i Policisë për rajonin e Prishtinës, Enis Pllana.

Sipas tij, rreth orës 21:00, Policia ka pranuar informatën për një plagosje në këtë fshat, ndërsa njësitet policore kanë dalë menjëherë në vendin e ngjarjes.

“Sipas informacioneve fillestare, një person ka mbetur i lënduar, i cili dyshohet se është plagosur me armë zjarri”, ka bërë të ditur Pllana.

I lënduari është dërguar për trajtim mjekësor, ndërsa Policia është duke ndërmarrë veprimet e nevojshme hetimore për të sqaruar rrethanat e rastit./Lajmi.net/