Një person ka përfunduar në Qendrën Klinike Universitare të Kosovës (QKUK), pasi dyshohet se është vetëplagosur aksidentalisht me armë zjarri në Prishtinë.

Sipas raportit 24-orësh të Policisë së Kosovës, ngjarja ka ndodhur më 11 korrik rreth orës 01:10, shkruan lajmi.net.

“Viktima ka pranuar tretman mjekësor në QKUK për shkak të dyshimit se nga pakujdesia është vetëplagosur me armë zjarri – pistoletë”, thuhet në raportin e Policisë.

Policia njofton se gjatë veprimeve hetimore, personi, i cili tashmë trajtohet si i dyshuar, është gjetur në posedim të një pistolete me gjashtë fishekë, një predhe të shkrepur dhe një sasie të substancës së dyshuar narkotike të llojit marihuanë.

Në konsultim me prokurorin, i dyshuari është liruar në procedurë të rregullt, ndërsa rasti po hetohet nga njësitë relevante policore. /Lajmi.net/