Shtatë persona janë arrestuar në Gjakovë, pasi dyshohet se janë përfshirë në një përleshje fizike pas një mosmarrëveshjeje, ndërsa në vendin e ngjarjes policia ka gjetur dhe sekuestruar edhe një armë zjarri.

Sipas raportit 24-orësh të Policisë së Kosovës, rasti ka ndodhur të shtunën rreth orës 22:05, shkruan lajmi.net.

“Janë arrestuar shtatë të dyshuar, pasi që të njëjtit pas një mosmarrëveshjeje ishin rrahur në mes vete. Në vendin e ngjarjes është gjetur dhe sekuestruar një armë e shkurtër, një karikator, një fishek dhe katër gëzhoja”, thuhet në raportin e Policisë.

Të dyshuarit kanë pranuar trajtim mjekësor. Me vendim të prokurorit, pas intervistimit, gjashtë prej tyre janë dërguar në mbajtje, ndërsa njëri është liruar në procedurë të rregullt. /Lajmi.net/