Dy persona me shtetësi të huaj kanë raportuar se janë grabitur nga një grup prej pesë deri në gjashtë personash në një parking në Prishtinë.

Sipas raportit 24-orësh të Policisë së Kosovës, ngjarja ka ndodhur dje rreth orës 00:20, shkruan lajmi.net.

“Dy viktima, një mashkull dhe një femër me shtetësi të huaj, kanë raportuar se derisa kanë qenë në një parking, 5-6 persona të dyshuar, dy prej tyre nën kërcënimin e armës dhe thikës, ua kanë grabitur një shumë parash dhe janë larguar në drejtim të panjohur”, thuhet në raportin e Policisë.

Policia ka bërë të ditur se rasti është iniciuar si “grabitje”, ndërsa hetimet për identifikimin dhe kapjen e të dyshuarve janë duke vazhduar. /Lajmi.net/