Kryeministri në detyrë, Albin Kurti ka arritur në ambientet e Kuvendit të Kosovës për t’u takuar me kryetarin e PDK-së, Bedri Hamza.

“Presim që takimi të jetë konstruktiv dhe që t’i konstituojmë institucionet e legjislaturës së 11-të tani që u certifikuan rezultatet”, tha Kurti para se të hynte në takim.

Ky takim vjen në kuadër të takimeve për formimin e institucioneve, pas certifikimit të rezultateve, transmeton lajmi.net.

Kurti me vete në takim e ka marrë ministrin në detyrë të Financave, Hekuran Murati.

Çështja e Presidentit pritet të jetë tema kryesore e takimit./lajmi.net/