Njësia për Ndërlidhje me Gjykatat, në kuadër të Stacionit Policor në Gjakovë, gjatë fundjavës ka realizuar aksione të ndara për ekzekutimin e urdhëresave të lëshuara nga gjykatat kompetente. Si rezultat, janë arrestuar dhe dërguar në vuajtje të dënimit tre persona të kërkuar:

M.Gj., është arrestuar dhe dërguar për vuajtjen e dënimit me kohëzgjatje prej katër (4) vite e tre (3) muaj, duke përfshirë kohën e kaluar në paraburgim dhe arrest shtëpiak, për veprën penale “shtytje e mbetur në tentativë në kryerjen e vrasjes së rëndë”.

D.K., është arrestuar dhe dërguar për vuajtjen e dënimit me kohëzgjatje prej 95 ditësh, për veprat penale “kanosja” dhe “mbajtja në pronësi, kontroll ose posedim të paautorizuar të armëve”.

A.G., është arrestuar dhe dërguar për vuajtjen e dënimit me kohëzgjatje prej një (1) viti burg, për veprën penale “vjedhje e rëndë”.

“Drejtoria Rajonale e Policisë në Gjakovë mbetet e përkushtuar në zbatimin e urdhër-arresteve të lëshuara nga gjykatat dhe në garantimin e rendit dhe sigurisë publike”, ka njoftuar Policia. /Lajmi.net/

Postimi i plotë: