Një person është arrestuar në Prishtinë pasi u kap nga policia duke tentuar të hynte në një shtëpi për të kryer vjedhje.

Sipas raportit 24-orësh të Policisë së Kosovës, ngjarja ka ndodhur dje.

Policia njofton se “është arrestuar i dyshuari mashkull kosovar për shkak se nga njësiti policor është hasur duke tentuar të hyjë për të vjedhur në shtëpinë e ankuesit.”

Pas procedurave policore, “pas intervistimit me vendim të prokurorit i dyshuari është dërguar në mbajtje”, thuhet në raportin 24-orësh të Policisë së Kosovës. /Lajmi.net/