Gjykata Themelore në Prishtinë ka dënuar 36 serbë që shkaktuan trazira dhe rrezikuan rendin dhe qetësinë publike gjatë shënimit të Vidovanit në Gazimenstan me 28 qershor.

Ata janë dëbuar për 3 vjet nga Kosova dhe janë gjobitur me nga 700 euro kundërvajtje, transmeton lajmi.net.

Pas përfundimit të seancës, të dënuarit u pritën nga një grup I vogël njerëzish jashtë gjykatës, që i duartrokitën të dënuarit.

Të dënuarit kanë tre orë kohë për të liruar territorin e Republikës së Kosovës.

Në hyrje të Gazimestanit, Policia e Kosovës u kishte shpërndarë vizitorëve një njoftim ku thuhej se nuk do të tolerohet “mbajtja dhe shfaqja e simboleve të ndryshme që përfaqësojnë ose nxisin urrejtje ndëretnike, fetare apo politike”.

Por, këto udhëzime nuk i respektuan dhjetëra serbë dhe detyruan Policinë që të aktivizohet./lajmi.net/