Komuna e Prishtinës ka njoftuar se është hapur konkursi për regjistrimin e fëmijëve në institucionet parashkollore publike për vitin edukativo-arsimor 2026–2027.

Përmes një njoftimi, komuna u ka bërë thirrje prindërve dhe kujdestarëve që të aplikojnë për regjistrimin e fëmijëve në çerdhet publike të kryeqytetit, transmeton lajmi.net.

Sipas njoftimit, në platformën zyrtare janë publikuar kriteret, procedurat e aplikimit dhe të gjitha informacionet e nevojshme për procesin e regjistrimit.

Komuna ka ftuar të gjithë prindërit dhe kujdestarët që të njihen me kushtet e konkursit dhe të dorëzojnë aplikimet brenda afateve të përcaktuara për vitin edukativo-arsimor 2026–2027.