Një person është arrestuar në Prishtinë, pasi dyshohet se ka ushtruar dhunë fizike ndaj djalit të tij të mitur.

Sipas raportit 24-orësh të Policisë së Kosovës, rasti ka ndodhur mbrëmjen e 28 qershorit, rreth orës 22:00, transmeton lajmi.net.

I dyshuari, mashkull kosovar, dyshohet se e ka sulmuar fizikisht djalin e tij të mitur. Si pasojë e sulmit, viktima ka pësuar lëndime trupore dhe ka pranuar trajtim mjekësor.

Pas trajtimit, i mituri është dërguar në strehimore për mbrojtje.

Me urdhër të prokurorit, i dyshuari është intervistuar dhe më pas është liruar në procedurë të rregullt, ndërsa rasti vazhdon të hetohet./lajmi.net/