Një zjarr me përmasa të mëdha ka përfshirë një ndërtesë në afërsi të Parkut të Qytetit në Prishtinë, në orët e para të mëngjesit të së shtunës.

Ekipet e zjarrfikësve kanë ndërhyrë menjëherë dhe ndodhen ende në vendin e ngjarjes, duke punuar për lokalizimin dhe shuarjen e flakëve.

Deri më tani nuk ka informacion zyrtar nëse ka persona të lënduar. Gjithashtu, shkalla e dëmeve materiale ende nuk është bërë e ditur, ndërsa autoritetet pritet të dalin me më shumë detaje pas përfundimit të ndërhyrjes dhe vlerësimeve në terren.