Spanja po e shijon plotësisht ndeshjen dhe po e “shkatërron” Arabinë Saudite, duke shkuar në 4–0 në fillim të pjesës së dytë.

Në minutën e 49’, erdhi edhe një moment krejt i pafat për Arabinë Saudite. Një top i thjeshtë në zonë u kthye në katastrofë, pasi Hassan Tambakti e devijoi gabimisht në portën e tij – autogol që vetëm sa e thelloi më shumë dominimin e Spanjës.

Në pushim, Luis de la Fuente bëri dy ndryshime te Spanja, duke futur Ferran Torres dhe Yeremy Pino për Mikel Oyarzabal dhe Lamine Yamal, ndërsa edhe Arabia Saudite tentoi të freskojë ekipin me disa zëvendësime.

Spanja po luan qetë dhe pa presion, duke e menaxhuar ndeshjen me shumë lehtësi në këto minuta të pjesës së dytë.