Pas përfundimit të numërimit të të gjitha votave, KQZ ka filluar rinumërimin e disa prej tyre.

Deri tani, nga votat në komunat e caktuara për t’u rinumëruar, KQZ ka rinumëruar 86,36% të tyre.

Për t’u rinumëruar janë caktuar gjithsej 66 vendvotime, ndërsa deri tani janë rinumëruar 47 prej tyre.

Sipas rinumërimit të deritanishëm, VV ka marrë 34,16%, PDK 20,35%, AAK 5,17% dhe LDK 14,6%, ndërsa nga numërimi i plotë i rezultateve, VV ka marrë 47.13%, PDK 19.44%, LDK 16.69 dhe AAK 6.7%.

Në Qendrën e Numërimit dhe Rezultateve, sot ka filluar zbatimi i vendimit të KQZ-së për numërimin e vendvotimeve të ndryshme, nga të gjitha komunat e Kosovës.

Sipas vendimit të KQZ-së, do të rinumërohen fletëvotimet e 185 vendvotimeve të rregullta, të cilat paraprakisht janë numëruar në Qendrat Komunale të Zgjedhjeve.

Valmir Elezi, zëdhënës i KQZ-së thotë se ky numër përbën 7.41% të vendvotimeve nga gjithsej 2,498 vendvotime të rregullta në të cilat është zhvilluar votimi më 7 qershor 2026.

Numri i vendvotimeve që sipas tij do të rinumërohen sipas komunave është si në vazhdim: Deçan (4 vendvotime, 8.33%); Gjakovë (10, 6.94%); Gllogoc/Drenas (5, 6.85%); Gjilan (9, 7.09%); Dragash (4, 7.02%); Istog (4, 6.67%); Kaçanik (3, 6.82%), Klinë (5, 8.06%); Fushë Kosovë (5, 8.06%); Kamenicë (3, 6.52%); Mitrovicë e Jugut (7, 7%); Leposaviq (2, 8%); Obiliq (3, 8.82%); Rahovec (5, 6.67%); Pejë (9, 6.67%); Podujevë (7, 6.80%) Prishtinë (18, 6.87%); Prizreni (16, 6.90%); Skëndera (5, 7.04%), Shtime (3, 9.09%) Shtërpcë (2, 11.76%); Suharekë (6, 6.98%); Ferizaj (10, 6.85%); Viti (5, 8.06%); Vushtrri (6, 6.74%); Zubin Potok (2, 13.33%); Zveçan (2, 18.18%); Malishevë (5, 6.94%); Junik (1, 16.67%); Mamushë (1, 20%); Hani i Elezit (1, 9.09%); Graçanicë (3, 9.09%); Ranillug (1, 10%); Partesh (1, 14.29%); Kllokot (2, 25%) dhe Mitrovicë e Veriut (2, 9.52%).

“Vendimi i KQZ-së mbështetet në Rregulloren Zgjedhore për funksionimin e Qendrës së Numërimit dhe Rezultateve. Në këtë akt nënligjor është paraparë që pas pranimit të materialeve zgjedhore nga vendvotimet e rregullta në QNR, KQZ të vlerësojë situatën dhe sipas nevojës mund të vendosë për rinumërim”.

Kjo masë kontrolli sipas Elezit, është paraparë nga KQZ për të adresuar problemet e evidentuara në disa nga Qendrat Komunale të Numërimit gjatë numërimit të votave të kandidatëve për deputetë nga zgjedhjet e dhjetorit të vitit të kaluar dhe ka për qëllim të sigurohet që numërimi është zhvilluar me saktësi. /Lajmi.net/