Organizata e Veteranëve të Luftës së UÇK-së (OVL-UÇK) ka përkujtuar dëshmorët e rënë gjatë luftës çlirimtare, duke theksuar rëndësinë e muajit qershor në historinë e Kosovës.

Në një komunikatë, OVL-UÇK ka vlerësuar sakrificën e të rënëve, duke thënë se “qershori i lavdisë dhe i sakrificës mbetet i gdhendur përgjithmonë në kujtesën tonë kombëtare”.

Në njoftim përmenden një numër i madh dëshmorësh të rënë gjatë luftës, të cilët, sipas organizatës, me gjakun e tyre kanë shtruar rrugën e lirisë së Kosovës.

OVL-UÇK thekson se do t’i kujtojë dhe nderojë përjetësisht të gjithë dëshmorët e rënë në këtë periudhë, duke shtuar se sakrifica e tyre mbetet frymëzim për brezat e sotëm dhe të ardhshëm.

“Lavdia e tyre do të jetojë përherë në historinë e Kosovës, ndërsa sakrifica e tyre do të mbetet frymëzim i pashuar”, thuhet në komunikatën e organizatës. /Lajmi.net/