Një rast i mospërfilljes së urdhrit mbrojtës është raportuar në Fushë Kosovë.

Sipas raportit 24-orësh të Policisë së Kosovës, më 13 qershor 2026, rreth orës 16:28, një i dyshuar mashkull kosovar, ndaj të cilit ishte në fuqi një urdhër mbrojtës, dyshohet se e ka kanosur viktimën femër kosovare përmes rrjeteve sociale.

Lidhur me rastin, viktima së bashku me fëmijët e saj është dërguar në strehimore për siguri dhe mbrojtje.

Rasti është duke u trajtuar nga organet kompetente dhe ndodhet në procedurë hetimore. /Lajmi.net/