Me mbi 20 për qind të votave të numëruara, rezultatet preliminare të zgjedhjeve parlamentare tregojnë një epërsi të qartë të Lëvizjes Vetëvendosje në garën për vota individuale, ndërsa partitë e tjera kryesore renditen pas saj.

Sipas të dhënave të deritanishme, kandidati më i votuar në nivel vendi është kryeministri në detyrë Albin Kurti me 43 mijë e 794 vota, i ndjekur nga Glauk Konjufca me 34 mijë e 357 vota.

Në dhjetëshen më të votuar të Lëvizjes Vetëvendosje renditen edhe Albulena Haxhiu me 19 mijë e 640 vota, Hekuran Murati me 17 mijë e 84 vota, Donika Gërvalla-Schwarz me 15 mijë e 855 vota, Xhelal Sveçla me 12 mijë e 753 vota, Avni Dehari me 11 mijë e 649 vota, Mimoza Kusari-Lila me 10 mijë e 917 vota, Hajrulla Çeku me 10 mijë e 542 vota dhe Ejup Maqedonci me 9 mijë e 456 vota, shkruan lajmi.net.

Në Partinë Demokratike të Kosovës, kandidati më i votuar është Bedri Hamza me 21 mijë e 291 vota, i ndjekur nga Përparim Gruda me 13 mijë e 608 vota dhe Arian Tahiri me 11 mijë e 931 vota.

Më tej renditen Uran Ismaili me 10 mijë e 425 vota, Sala Jashari me 7 mijë e 645 vota, Vlora Çitaku me 7 mijë e 301 vota, Ganimete Musliu me 5 mijë e 701 vota, Arben Mustafa me 5 mijë e 135 vota, Mergim Lushtaku me 5 mijë e 24 vota dhe Enver Hoxhaj me 4 mijë e 585 vota.

Në Lidhjen Demokratike të Kosovës, më së shumti vota ka marrë Vjosa Osmani Sadriu me 13 mijë e 947 vota, e ndjekur nga Lumir Abdixhiku me 12 mijë e 611 vota dhe Doarsa Kica-Xhelili me 10 mijë e 67 vota.

Më tej renditen Hykmete Bajrami me 7 mijë e 694 vota, Avdullah Hoti me 7 mijë e 16 vota, Ukë Rugova me 5 mijë e 921 vota, Kujtim Shala me 5 mijë e 764 vota, Anton Quni me 4 mijë e 665 vota, Lutfi Haziri me 4 mijë e 293 vota dhe Armend Zemaj me 4 mijë e 266 vota.

Në Aleancën për Ardhmërinë e Kosovës, kandidati më i votuar është Ardian Gjini me 7 mijë e 741 vota, i ndjekur nga Ramush Haradinaj me 7 mijë e 93 vota dhe Daut Haradinaj me 5 mijë e 423 vota.

Më tej renditen Besnik Tahiri me 4 mijë e 629 vota, Bekë Berisha me 3 mijë e 637 vota, Burim Ramadani me 3 mijë e 593 vota, Time Kadrijaj me 3 mijë e 407 vota, Agim Çeku me 2 mijë e 902 vota, Arber Tolaj me 2 mijë e 853 vota dhe Albana Bytyqi me 1 mijë e 878 vota.

Rezultatet preliminare tregojnë një epërsi të qartë të Lëvizjes Vetëvendosje në votën individuale të kandidatëve, ndërsa PDK, LDK dhe AAK vazhdojnë garën për pozicionim në Kuvendin e Kosovës. Numërimi i votave pritet të sjellë ndryshime të mëtejshme në renditjen përfundimtare. /Lajmi.net/