Një person është arrestuar në Deçan pasi dyshohet se ka kanosur dhe sulmuar dy zyrtarë policorë gjatë kryerjes së detyrës zyrtare.

Sipas raportit 24-orësh të Policisë së Kosovës, rasti ka ndodhur të hënën, më 8 qershor, rreth orës 16:09. I dyshuari, mashkull kosovar, dyshohet se ka reaguar me kanosje dhe sulm ndaj dy policëve pasi ata i kishin shqiptuar një tiketë për kundërvajtje, shkruan lajmi.net.

Policia bën të ditur se gjatë ndërhyrjes për arrestimin e tij është përdorur sprej policor.

Si pasojë e incidentit, dy zyrtarët policorë kanë pësuar lëndime të lehta trupore dhe kanë marrë trajtim mjekësor.

Lidhur me rastin është njoftuar prokurori kompetent, i cili ka vendosur që pas intervistimit i dyshuari të lirohet në procedurë të rregullt, ndërsa rasti po vazhdon të hetohet. /Lajmi.net/