Kombëtarja e Kosovës rikthehet në aksion këtë të diel, kur do ta zhvillojë ndeshjen e parë miqësore të grumbullimit të muajit qershor.

“Dardanët” do të përballen në udhëtim me Kombëtaren e Çekisë, në një test të rëndësishëm për ekipin e drejtuar nga Franco Foda.

Takimi do të luhet në stadiumin “epet Arena” në Pragë, me fillim nga ora 16:00.

Kjo do të jetë përballja e tretë mes dy kombëtareve. Kosova dhe Çekia janë ndeshur më herët në kuadër të kualifikimeve për Kampionatin Evropian 2020, duke regjistruar nga një fitore secila.

Kosova triumfoi me rezultat 2-1 në stadiumin “Fadil Vokrri” në vitin 2019, ndërsa çekët fituan po me të njëjtin rezultat, 2-1, në ndeshjen e zhvilluar në Pragë.