Një person mashkull i moshës madhore është dërguar pa shenja jete në Qendrën Kryesore të Mjekësisë Familjare në Malishevë.

Zëdhënësja e Policisë së Kosovës për rajonin e Gjakovës, Vlera Krasniqi, ka konfirmuar për lajmi.net, se rasti është raportuar sot rreth orës 19:35.

“Përmes linjës telefonike, policia ka pranuar informatën nga QKMF Malishevë se një person mashkull i moshës madhore është dërguar pa shenja jete”, ka konfirmuar Krasniqi.

Ajo ka bërë të ditur se njësitë relevante policore kanë dalë në vendin e ngjarjes dhe janë duke ndërmarrë veprimet e nevojshme në koordinim me Prokurorin e Shtetit.

“Njësitë relevante të Policisë i janë përgjigjur rastit dhe janë duke ndërmarrë veprimet e nevojshme në koordinim të plotë me prokurorin e shtetit”, ka thënë ajo.

Sipas policisë, rasti është iniciuar si “Hetim i vdekjes”, ndërsa trupi i pajetë do të dërgohet për ekzaminim mjeko-ligjor. /Lajmi.net/