Komuna e Gjilanit këtë vit ka vendosur që të marrë përsipër pagesën për ekskursionin e maturantëve.

Ata për të kryer këtë shërbim, kanë dhënë tender në vlerë prej 130 mijë e 800 euro, shkruan lajmi.net.

Tenderin e ka fituar kompania “Sharr Travel”, ndërsa kanë ofertuar edhe katër kompani të tjera, disa prej të cilave kishin dhënë edhe çmim më të lirë.

Në shkurt të vitit 2024, rreth dy vjet më parë, kryetari Hyseni kishte nxjerrë vendim përmes së cilit ndalonte ekskursionet jashtë Kosovës të maturantëve.