Përmes një postimi në Facebook, Mushkolaj ka thënë se Osmani për pesë vjet i ka shërbyer me “devotshmëri” kryeministrit Albin Kurti, ndërsa sipas tij nuk ka reaguar kur është dashur.

“Për fatin e shtetit Vjosës i ra ndërmend vonë – veç kur Albini nuk ia mundësoi edhe një mandat presidente. Deri atëherë ishin një të dy”, ka shkruar Mushkolaj.

Ai tutje ka deklaruar se presidentja e ka hallin te karriera e saj politike, duke shtuar se shteti është më i rëndësishëm se “fati politik i kujtdoqoftë”.

“Shteti është më i rëndësishëm se fati politik i kujtdoqoftë – veçmas i hipokritëve që provojnë të shiten parimorë”, ka shkruar ai. /Lajmi.net/