Tri raste të zhdukjes së vajzave të mitura janë raportuar gjatë 24 orëve të fundit në Kosovë, bëhet e ditur në raportin 24-orësh të Policisë së Kosovës.

Njëri nga rastet është raportuar nga një burrë nga Vitia, i cili ka njoftuar policinë se vajza e tij e mitur është larguar nga shtëpia që nga data 16 maj 2026 dhe se familja nuk ka njohuri për vendndodhjen e saj.

Ndërkohë, dy raste të tjera janë raportuar në Fushë Kosovë. Sipas policisë, një rast është paraqitur në rrugën “Dardania” më 20 maj 2026 rreth orës 12:30, ku ankuesi ka raportuar se vajza e tij e mitur është larguar nga shtëpia dhe nuk dihet vendndodhja e saj.

Rasti tjetër është raportuar në rrugën “Hamdi Grajqevci” në Fushë Kosovë, rreth orës 22:00, me të njëjtën dyshim, pasi një person ka njoftuar se vajza e tij e mitur është larguar nga shtëpia.

Policia ka bërë të ditur se të tri rastet janë duke u hetuar. /Lajmi.net/