Kryetari i Federatës së Futbollit të Kosovës, Agim Ademi, ka njoftuar për përkrahjen e tij për Aleksandër Çeferinin, duke shprehur mbështetje për një mandat tjetër të tij në krye të UEFA-s.

Në njoftimin e tij, Ademi thekson se vendimi për mbështetjen e Çeferinit u mor në nivel federatash gjatë takimit të përbashkët për strategjinë e futbollit kombëtar.

Ai ishte i pranishëm së bashku me Armand Dukën, presidentin e FSHF-së dhe zv/Presidentin e UEFA-s, duke nënvizuar rëndësinë e bashkëpunimit dhe unitetit në futbollin europian.

Ademi shprehu gjithashtu besimin se udhëheqja e Çeferinit do të vijojë të sjellë zhvillim dhe avancim për futbollin në të gjithë kontinentin.